Polisi Amgylcheddol

Ers dros ddeng mlynedd ar hugain mae Swift Credit Services Limited yn gwasanaethu’r llywodraeth, awdurdodau lleol, y proffesiwn cyfreithiol, sefydliadau ariannol a byd masnach. Ers ei greu, mae cwmni Swift wedi ennill enw am fod yn arloesol, yn ddibynadwy ac yn barod iawn i ymateb i anghenion y cleient.
Fel busnes teuluol mae cwmni Swift yn credu’n gryf mewn gwerthoedd traddodiadol ac yn eu hybu – gwerthoedd fel proffesiynoldeb, gwasanaeth o ansawdd da, gwerth am arian a gwasanaeth personol – ac yn deall effaith ein busnes ar yr amgylchedd.

1. Cydymffurfio â’r ddeddfwriaeth amgylcheddol berthnasol

Rydym wedi ymrwymo i gydymffurfio â’r holl ddeddfwriaeth amgylcheddol berthnasol.

2. Atal llygredd

Rydym wedi ymrwymo i atal llygredd trwy:

• Leihau allyriadau CO2 trwy osod systemau llywio â lloeren yn ein cerbydau, ar y cyd gyda didoli gwaith yn ôl cod post, sy’n lleihau amser a phellter teithio.
• Defnyddio cynorthwywyr personol digidol sy’n caniatáu i’r beilïaid lenwi taflen gofnod yn electronig ac felly lleihau’r papur a ddefnyddir.
• Defnyddio peiriannau argraffu bach sy’n caniatáu i’r beilïaid argraffu gwarantau pan fo angen.
• Mae hyn yn lleihau maint y papur a ddefnyddir gan nad oes yn rhaid i’r beili gario fersiwn bapur o bob gwarant yn ei lwyth achosion.
• Anfon cetris peiriannau argraffu i gael eu hailgylchu.

3. Rheoli gwastraff

Rydym wedi ymrwymo i hybu cael gwared ar wastraff trwy:

• Brynu papur ysgrifennu, papur toiled a phapur cegin sydd wedi’i ailgylchu.
• Argraffu dogfennau ar ddwy ochr y ddalen.
• Ailgylchu papur ffacs a phapur llungopïo.
• Defnyddio system prosesu delweddau dogfennau i storio gwybodaeth. Gellir anfon dogfennau at gleientiaid trwy e-bost ar ôl iddynt ofyn amdanynt, yn lle anfon dogfennau papur.
• Diffodd pob golau, cyfrifiadur a sgrin cyfrifiadur ar ddiwedd y diwrnod gwaith.
• Defnyddio arbedwyr sgrin ar y cyfrifiaduron.
• Defnyddio bylbiau golau sy’n arbed ynni.
• Prynu offer sy’n arbed ynni.
• Defnyddio system wresogi sy’n arbed ynni.
• Diffodd gwresogyddion dros y penwythnosau a gwyliau banc.
• Ailgylchu gwastraff cyffredinol (poteli llaeth, poteli dŵr, caniau ac ati)

4. Effeithlonrwydd ynni
Rydym wedi ymrwymo i effeithlonrwydd ynni.

• Mae cwmni Swift yn defnyddio ceir â pheiriannau bach (ceir Vauxhall Corsa diesel 1.3 litr)
• Bob chwe mis mae cwmni Swift yn monitro faint o nwy a thrydan a ddefnyddir yn y swyddfeydd.
• Mae adeiladau cwmni Swift wedi’u hinswleiddio’n dda.
• Mae beilïaid cwmni Swift yn defnyddio systemau llywio â lloeren – i ddod o hyd i’r ffordd gyflymaf a mwyaf darbodus o gyrraedd.

5. Prynu

• Prynu papur ysgrifennu, papur toiled a phapur cegin sydd wedi’i ailgylchu
• Prynu cetris peiriannau argraffu sydd wedi’u hailgylchu
• Prynu oddi wrth gwmnïau sydd â Pholisi Amgylcheddol

6. Cyfleu’r Polisi i’r staff

Mae pob aelod o staff cwmni Swift yn cael copi o’i Bolisi Amgylcheddol gan y caiff ei gynnwys yn Llawlyfr y Cwmni a’i bostio ar ein gwefan fewnol.

7. Nodi’r uwch swyddog sydd â chyfrifoldeb cyffredinol am y polisi ac am ei weithredu’n effeithiol

Michelle Davies yw’r aelod penodedig o staff yng nghwmni Swift sydd â’r cyfrifoldeb cyffredinol am bob mater amgylcheddol ac am weithredu’r polisi yn y cwmni.

8. Adolygu’r Polisi yn rheolaidd

Bob 6 mis mae Michelle Davies a’r Rheolwr Gyfarwyddwr Huw Lloyd-Lewis yn cynnal adolygiadau i drafod materion amgylcheddol a’u heffaith ar fywyd bob dydd yn y swyddfeydd.

9. Trafnidiaeth

• Defnyddio ceir cwmni gyda pheiriannau diesel bach yw un o’r ffyrdd mae cwmni Swift yn ceisio lleihau llygredd. Mae meddalwedd llywio â lloeren wedi’i gosod ar bob un o gerbydau’r cwmni, sy’n lleihau’r amser a phellter teithio, sydd o ganlyniad yn lleihau allyriadau CO2.

Mae cyfarfodydd staff yn cael eu cynllunio ymlaen llaw i sicrhau y defnyddir un cerbyd i gludo aelodau o’r staff i gyfarfodydd.

Mae uwch aelodau o’r staff yn defnyddio cynadledda ffôn yn rheolaidd i leihau teithio lle bo’n bosibl.

Mae defnyddio trafnidiaeth gyhoeddus, i staff sy’n teithio ar fusnes, yn cael ei ystyried fel opsiwn bob amser.thargedau (amserlen a osodir i gyflawni’r amcanion) a chaiff y rhain eu monitro.

11. Hyfforddiant ar hybu datblygu cynaliadwy i godi ymwybyddiaeth amgylcheddol a galluogi’r staff i weithredu mewn ffordd sy’n gyfrifol yn amgylcheddol

Cynhelir cyfarfodydd gyda’r rheolwyr a’r staff a Michelle Davies bob chwarter i sicrhau bod ymwybyddiaeth o faterion amgylcheddol yn y Cwmni’n cael ei chyfleu i bob aelod o’r staff.